2016 جىلعى 23 اقپان, استانا قالاسى
«ارنايى اۆتوماتتاندىرىلعان ولشەۋ قۇرالدارىن پايدالانۋ قاعيدالارىن بەكىتۋ تۋرالى» قازاقستان رەسپۋبليكاسىنىڭ كولىك جانە كوممۋنيكاتسيا ءمينيسترىنىڭ مىندەتىن اتقارۋشىنىڭ 2013 جىلعى 5 قىركۇيەكتەگى № 689 بۇيرىعىنا وزگەرىستەر مەن تولىقتىرۋ ەنگىزۋ تۋرالى
«نورماتيۆتىك قۇقىقتىق اكتىلەر تۋرالى» 1998 جىلعى 24 ناۋرىزداعى قازاقستان رەسپۋبليكاسى زاڭىنىڭ 43-1-بابىنىڭ 1-تارماعىنا سايكەس بۇيىرامىن:
1. «ارنايى اۆتوماتتاندىرىلعان ولشەۋ قۇرالدارىن پايدالانۋ قاعيدالارىن بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ مىندەتىن اتقارۋشىنىڭ 2013 جىلعى 5 قىركۇيەكتەگى № 689 بۇيرىعىنا (نورماتيۆتىك كۇقىقتىق اكتىلەردى مەملەكەتتىك تىركەۋ تىزىلىمىندە № 8788 بولىپ تىركەلگەن, 2013 جىلعى 5 جەلتوقساندا «ەگەمەن قازاقستان» گازەتىندە № 268 (28207) بولىپ جاريالانعان) مىناداي وزگەرىستەر مەن تولىقتىرۋ ەنگىزىلسىن:
كورسەتىلگەن بۇيرىقپەن بەكىتىلگەن ارنايى اۆتوماتتاندىرىلعان ولشەۋ قۇرالدارىن پايدالانۋ قاعيدالارىندا:
4-تارماق مىناداي رەداكتسيادا جازىلسىن:
«4. قاعيدالاردا قولدانىلاتىن نەگىزگى ۇعىمدار مەن تەرميندەر:
1) اپپاراتتىق-باعدارلامالىق كەشەن – بەلگىلى ءبىر تيپتەگى مىندەتتەردى شەشۋ ءۇشىن بىرلەسىپ قولدانىلاتىن باعدارلامالىق قامتىلىم مەن تەحنيكالىق قۇرالدار جيىنتىعى;
2) ارنايى اۆتوماتتاندىرىلعان ولشەۋ قۇرالى – مەترولوگيالىق سالىستىرىپ تەكسەرۋدەن وتكەن, فوتو -, بەينەتۇسىرىلىمدى جۇزەگە اسىراتىن, اۆتوماتتى رەجيمدە جۇمىس ىستەيتىن, اۆتوكولىك قۇرالدارىنىڭ ءتۇرىن, ماركاسىن, مەملەكەتتىك تىركەۋ بەلگىسىن, سالماقتىق جانە (نەمەسە) كولەمدىك پارامەترلەرىن جانە قوزعالىس جىلدامدىعىن تىركەيتىن سەرتيفيكاتتالعان ارنايى باقىلاۋ-ولشەۋ تەحنيكالىق جابدىعى;
3) كولىك قۇرالدارىن ولشەۋ – مىندەتتى مەترولوگيالىق تەكسەرۋدەن وتكەن جانە ءتيىستى سەرتيفيكاتى بار ستاتسيونارلىق ۇلگىدەگى سالماق ولشەۋ جابدىعى نەمەسە تاسىمالداناتىن ۇتقىر تارازىلار كومەگىمەن اۆتوكولىك قۇرالدارىنىڭ جالپى ماسساسى مەن بىلىككە تۇسەتىن جۇكتەمەسىن انىقتاۋ پروتسەسى;
4) قاتتى جول قاپتاۋى – جابىندىسى نەمەسە تسەمەنت بەتون نەمەسە تەمىر بەتون نەگىزىندەگى جول قاپتاۋى;
5) قاتتى ەمەس جول قاپتاۋى – قاباتتارى اسفالت بەتوننىڭ بىرنەشە تۇرىنەن, بيتۋممەن, تسەمەنتپەن, اكپەن بەكىتىلگەن كەشەندى جانە باسقا دا تۇتقىر ماتەريالداردان, سونداي-اق ءالسىز بايلانعان قيىرشىقتى ماتەريالداردان جاسالعان جول قاپتاۋى;
6) ولشەۋ اۋىتقۋى – ولشەۋ ناتيجەسىنىڭ ولشەنىلىپ جاتقان شامانىڭ اقيقات (انىق) مانىنەن اۋىتقۋى.»;
مىناداي مازمۇنداعى 6-1-تارماقپەن تولىقتىرىلسىن:
«6-1. اۆتوكولىك قۇرالدارىنىڭ سالماقتىق پارامەترلەرىن انىقتاعان كەزدە اۆتوكولىك قۇرالى سالماعىنىڭ ولشەنگەن مانىنەن كولىكتىك دەرەكتەر قورى مەن تاسىمالداۋ قاۋىپسىزدىگى ديناميكاسىنىڭ مونيتورينگى اقپاراتتىق تالداۋ جۇيەسىمەن (بۇدان ءارى – كدق اتج) اۆتوماتتى تۇردە شەگەرىلەتىن جول قاپتاۋى كونسترۋكتسياسىنىڭ تيپىنە قاراي ولشەۋ اۋىتقۋى ەسكەرىلەدى.
ولشەۋ اۋىتقۋى قاتتى جول قاپتاۋى بولعان كەزدە: اۆتوكولىك قۇرالدارىنىڭ سالماعىنان – 5%, اۆتوكولىك قۇرالدارىنىڭ دارا بىلىككە تۇسكەن جۇكتەمەسىنەن – 8%, جۇك, ارنايى بەيىمدەلگەن جانە ارناۋلى اۆتوموبيلدەردىڭ, ءوزى اۋدارعىشتىڭ, اۆتوبۋستىڭ, تىركەمەلەردىڭ نەمەسە جارتىلاي تىركەمەلەردىڭ بىلىكتەر سانى ۇشتەن اساتىن ساباقتاس بىلىككە, قوسارلانعان جانە ۇشتىك بىلىكتەرگە تۇسكەن جۇكتەمەسىنەن – 7% قۇرايدى;
ولشەۋ اۋىتقۋى قاتتى ەمەس جول قاپتاۋى بولعان كەزدە: اۆتوكولىك قۇرالدارىنىڭ سالماعىنان – 10%, اۆتوكولىك قۇرالدارىنىڭ دارا بىلىككە تۇسكەن جۇكتەمەسىنەن – 15%, جۇك, ارنايى بەيىمدەلگەن جانە ارناۋلى اۆتوموبيلدەردىڭ, ءوزى اۋدارعىشتىڭ, اۆتوبۋستىڭ, تىركەمەلەردىڭ نەمەسە جارتىلاي تىركەمەلەردىڭ بىلىكتەر سانى ۇشتەن اساتىن ساباقتاس بىلىككە, قوسارلانعان جانە ۇشتىك بىلىكتەرگە تۇسكەن جۇكتەمەسىنەن – 13% قۇرايدى.»;
8-تارماقتا:
1) تارماقشا مىناداي رەداكتسيادا جازىلسىن:
«1) ءجۇرىپ وتەتىن اۆتوكولىك قۇرالدارىن تىركەپ, كدق اتج-گە ءتيىستى مالىمەتتەردى جىبەرۋ;»;
6) تارماقشا مىناداي رەداكتسيادا جازىلسىن:
«6) دەرەكتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگى كولىك كوميتەتىنىڭ احۋال ورتالىعىنىڭ (بۇدان ءارى – احۋال ورتالىعى) كدق اتج-گە جىبەرۋ.».
9-تارماقتىڭ 4) تارماقشاسى مىناداي رەداكتسيادا جازىلسىن:
«4) اۆتوكولىك قۇرالدارىنىڭ سالماقتىق گاباريتتىك پارامەترلەرىنىڭ اسۋى انىقتالعان كەزدە اۆتوكولىك قۇرالى تۋرالى فوتوبەينە مەن اقپارات بۇزۋشىلىقتار تۋرالى ەسەپتى قالىپتاستىرۋ ءۇشىن كدق اتج-دە ساقتالادى;».
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ كولىك كوميتەتى ء(ا.ا. اساۆباەۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن باسپا جانە ەلەكتروندىق تۇردە كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى نورماتيۆتىك-قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 25 ناۋرىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13530 بولىپ ەنگىزىلدى.